¿Tienes un blogue n’asturianu?… pide la to cuenta en Ximiélgame
Aprovechando les votaciones a meyor blogue n’asturianu abrimos les primer invitaciones pa probar Ximiélgame.
Inda ta en desendolcu polo que ta cambiando a cada pocu, l’aida de los usuarios ye fundamental pa la meyora del sistema.
¿Cómo puedes solicitar la cuenta?
Si tienes un blogue n’asturianu y yá votaste pol meyor blogue 2009 namás que tienes de rellenar esti formulariu pa pedir la to cuenta en Ximiélgame. Comprobarémos si los datos que nos apurres concasen y recibirás un corréu cola confirmación.
Namás que daremos una cuenta por blogue.
Namás que tendremos en cuenta los blogues qu’aparecen llistaos como “Blogues que yá votaron” en http://www.votalmeyorblogue.webcindario.com/
16 de Xineru, 2010 - 14:05
Mui bones,
Mirái, yo mandé la solicitú pa la cuent de ximiélgame dempués de votar y nun sé si foi porque puse una dirección de corréu distinta a la que usé pa votar que yá va facer una selmana y nun recibí nada. Mandéla con una dirección distinta porque los asuntos del blogue (de blogspot) téngolos nuna dirección de gmail y pero el corréu que más emplego ye’l de yahoo. ¿Qué faigo? ¿Vuelvo a echar la solicitú poniendo la cuenta cola que mandé los votos?
Un saludín.
17 de Xineru, 2010 - 04:53
Nun mos llegó la to petición, p’aseguranos vamos ponenos en contautu contigo por corréu.
17 de Xineru, 2010 - 16:26
Tuvo de llegate la clave al corréu, si tienes problemes avisanos. Si nun te llegó revisa les carpetes de spam.