Ximiélgame

Tamos trabayando pa poder espublizar los mensaxes del Telégrafu de Ximiélgame nel wall de Facebook, si nun quies esperar y yes usuariu d’identi.ca puedes usar les conexones d’esti serviciu de microbloggin (que amás ye Software Llibre) pa unviar dende Ximiélgame a toos estos servicios.

Lo primero ye configurar la to cuenta de Ximiélgame pa que mande los mensaxes del Telégrafu a identi.ca, ten encuenta que namás que van mandase los mensaxes que tengas configuraos como públicos, esto puedes facelu editando’l widget del telegráfu del to perfil.

Vamos a “Configuración>Configurar los tos preseos” y na estaya “Serviciu de microblogging” ponemos el nome d’usuariu y clave d’indenti.ca, marcamos el serviciu y escoyemos “Si” na opción d’unviar los mensaxes. Cuando te too llistu guardamos y tolos mensaxes públicos qu’espublices en Telégrafu saldrán na to cuenta d’identi.ca.

Agora entramos n’identi.ca y na opción “Conectarse” vermos dos llingüetes, una pa Twitter y otra pa Facebook onde podremos coneutar con estos servicios y configuralos pa unviar tolos mensaxes d’identi.ca.  Nel casu de Facebook tendrás d’instalar l’aplicación pa identi.ca.

Si namás que uses Twitter, puedes coneutar Ximiélgame igual que con identi.ca y si namás que ueses Facebook, en unos díes podrás coneutalu direutamente dende Ximiélgame… esti artículu ta dirixíu a los usuarios impacientes 😉 y a los que usen los tres servicios.

Esti artículu espublizose 'l 12 de Xineru de 2010 a les 18:06 y ta guardáu en Otros servicios, Ximiélgame. Etiquetes: conexones, facebook, identi.ca, twitter, Ximiélgame.
Puedes tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.